Мәләкәс авыл мәдәният йортында хәйрия концерты узды

Тукай раоны халкы «Барысы да үзебезнекеләр өчен» девизы астында махсус хәрби операциядә катнашучы якташларына төрле яклап ярдәм итүдән туктамый. Дөньяны изгелек коткара, диләр. Бу катлаулы чорда әнә шулай ярдәмләшеп, бердәмләшеп яшәргә тиебез. Мәләкәс авылы  мәдәният йортында да хәйрия концерты оештырып, изгелекнең бер чагылышын күрсәтте.

«Иске Җирекле авылы үзешчәннәре Мәләкәс авылына концерт белән килделәр. Әлеге концертта  талантлы иҗади үзешчән коллективлары, мәктәп укучылары катнашты. Алар тамашачыларны Ватанга мәхәббәт, ярдәм итү һәм җиңүгә ышаныч белән тулы чыгышлары белән сөендерделәр. Бу искиткеч чара бердәмлек һәм патриотизмның якты чагылышына әверелде. Мәләкәслеләр дә Иске Җиреклегә концерт белән барачаклар”, – дип яздылар Мәләкәс мәдәният йортыннан.