Ленино мәктәбе укучылары өлкәннәргә ярдәм итә

Мәктәпләрдә тәрбия эшендә дә укытучылар моны үзләренең максаты һәм бурычлары итеп саныйлар. Балаларда шәфкатьлелек, кешелеклелек сыйфатлары булдырырга тырышалар.

“Бу көннәрдә Ленино авылы мәктәбенең 6-9 класс укучылары, кар күп яуганлыктан, волонтерлык эшен активлаштырдылар. Малайлар көрәкләр тотып, ярдәмгә мохтаҗларга, ялгыз кешеләргә, уллары хәрби операциядә булганнарга барып, йорт тирәләрен кардан чистарттылар. Өлкәннәр өчен андый ярдәм бәяләп бетергесез. Өлкән буын бит зур кар көртләрен һәм түбәдәге карны җиңә алмый.

Әлеге акциянең максаты яшь буында игелекле гамәлләр кылырга омтылыш тәрбияләү, җәмгыятьтә бердәмлек,үзара ярдәмләшү, коллективизм һәм өлкәннәргә карата ихтирам хисләрен ныгыту.. Активистлар бик күп рәхмәт сүзләре ишеттеләр”,– дип яздылар Ленино мәктәбеннән.

Фото: МБОУ "Ленинская СОШ