«Кряшен чибяре»-2024» финалисты: Светлана Иванова

Алдан  хәбәр иткәнчә, «Кряшен чибяре»-2024» конкурсында үз көчләрен сынап карарга 9 кыз теләк белдерде. Алар республиканың 8 төбәгеннән – Алексеевск, Балтач, Балык Бистәсе, Зәй, Кукмара, Мамадыш, Питрәч, Яр Чаллыдан һәм, шулай ук, күрше Башкортстанның Бакалы районыннан.

«Кряшен чибяре»-2024» титулына ия булырга омтылучы 9 кызның берсе – Светлана Иванова.

Туган көне: 11 декабрь.

Кайдан: Мамадыш шәһәреннән.

Уку/эш урыны: Ижевск дәүләт медицина академиясе, II курс студенты.

Тормыш девизы:«Могҗиза көтмәгез, үзегез могҗиза тудырыгыз!».

Хобби: бию, фото һәм видео төшерү, видео монтажлау, дизайн белән дә шөгыльләнү, чигү, номерлар буенча рәсем ясау .

Ни өчен конкурста катнаша: үзен чын керәшен кызы итеп күрсәтү һәм җиңүгә ирешү; онытылмаслык тәэсирләр белән, үз максатына бер адымга булса да якынаю өчен.

Хыялы: җир йөзенең иң матур урыннарына сәяхәт.

Игътибар! «Online кряшен чибяре»н «Туганайлар» (tuganaylar.ru) сайтында оештырылган тавыш бирү нәтиҗәләре билгелиячәк. Сайтыбызда кызларның һәрберсе белән аерым таныштырачакбыз, безнең сайтны карап барыгыз!

Конкурсның финалы 13 июль көнне Мамадыш районының Җөри авылы янындагы Тырлау аланында уза торган Питрау җыенында булачак.