Кремльдә “Керәшеннәр” күргәзмәсе

Аны оештыручы - Татарстан Республикасы культура министрлыгы, Республика рәсем сәнгате музее һәм Республика керәшен оешмасы. Мондый күргәзмә керәшеннәр тарихында беренче тапкыр оештырыла. Биредә керәшеннәрнең XIX-XX гасырларга караган кулланма сәнгатен, тарихын, гореф-гадәтләрен чагылдырган уникаль бизәнү әйберләре, эш кораллары, киемнәр, савыт-сабалар һәм башка бик күп кызыклы экспонатлар күрергә була. Болар барысы да Республика рәсем сәнгате музее, Казан университетының этнографик музее, Республика авыл һәм мәктәп музейларында сакланган, музей белгечләре тарафыннан "иң-иң"нәре, дип сайлап алынган экспонатлар.

Карендәшләр!

Универсиада алдыннан ачылган һәм барыбыз өчен дә мөһим булган бу зур вакыйгадан читтә калмыйк! Үзен керәшен дип санаган, кавемебезнең үткәненә, киләчәгенә битараф булмаган карендәшләрне ачылу тантанасына чакырабыз.