Колбагышта изге чишмәне аруландырганнар

Һәр авылда җир астыннан бәреп чыккан, зур көчкә ия булган, күңелгә якын, кадерле чишмәләре була. Колбагыш авылындагы «Төшлекә» чишмәсе дә шундыйлардан. Элгәре вакытларда авыл халкы гел шул чишмәгә йөргән. Бүгенге көндә ул ташландык хәлдә булган...

Колбагыш авылыннан Кисилевлар гаиләсе әлеге чишмәне үз көчләре белән төзекләндергәннәр. 

«Дария, Николай Кисилевлар һәм аларның балалары Александр, Людмила, Марина авыл чишмәсен чистартып, матур итеп ясап, кечкенә часовня куйдылар, чиркәүдән тәреләр алып килеп оештырдылар. Бу чишмәдән аска таба елга агып төшә. Кисилевлар бөя бөяп, ташлар салып юлын да ясадылар. Ходай саулык бирсен аларга. Иртәңге келәүдән соң авыл халкы белән шул чишмәгә бардык. Энеле-дәдәйле священниклар Генадий белән Димитрий Сизовлар чишмәне аруландырдылар», — дип хәбәр итте карнедәшебез Мария Степанова.