“Көмеш тәңкә” фольклор ансамбле турында кызыклы фактлар

Мамадыш районының Җөри авылы  “Көмеш тәңкә” фольклор ансамбле 1992 елның октябрь аенда Р.К. Игнатьева тарафыннан оештырыла. Ансамбльга 40 яшьтән 70 яшькәчә җыр-моңга битараф булмаган 10 кеше йөри: Андреева Н.Г., Петрова М.А., Никитина Н.И., Гаврилова А.П., Игнатьева Р.К., Новикова Е.А., Михайлова Е.М., Иванова Г.Р., Никитина Р.А., Тимофеева Т.А.

Ансамбльнең репертуары бик бай: бу 135тән артык керәшен җыры һәм йоласы. Коллективның репертуары әледән-әле яңа җырлар һәм фольклор композицияләр белән тулыланып тора.

“Көмеш тәңкә” фольклор ансамбле керәшен мәдәниятен саклау, торгызу һәм үстерү буенча эш алып бара. "Утырмада", "Покрау", "Май чабу", "Нардуган", "Олы көн" һәм башка йолалар белән коллектив гореф-гадәтләрне саклый, кешеләрне керәшен мәдәнияте белән таныштырып бара.