Кипр, Катар, Пакистан – маска режимына кабат кайткан

Кипрда бер тәүлектә 700ләп кеше коронавирус йоктырган. Билгеле булганча, кипрлылар әле 31 майда гына медицина маскасыннан котылган булганнар. Ә инде 8 июльдән ул илдә кабат авыз-борынны маска-битлек белән томалап йөри башлаганнар.

Пакистанда исә тәүлегенә 800гә якын кеше COVID эләктергән. Шунлыктан, анда халык июнь азагыннан бирле маскадан йөри.

Хәзерге вакытта дөньяның 110 илендә COVID чирлеләрнең артканнан-арта баруы күзәтелә. Шуңа күрә безнең барыбызга да тиешле санитария таләпләрен үтәргә – кулларны сабынлап юарга, транспортта, кибеттә авыру билгеләре булган кешеләрдән читтәрәк торырга һәм үз сәламәтлегебезне ныгытуга игътибар бирергә кирәк.

Керәшен дөньясындагы яңалыкларны Телеграм-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.