Казанда керәшен язучыларына багышланган әдәби-шигъри кичә узачак
Чара Ямаш Игәнәй тууына 85 ел тулу уңаеннан оештырыла.
24 март Я.Емельянов исемендәге мәдәни үзәктә “Керәшен сүзе” газетасының беренче редакторы, журналист, шагыйрь - Ямаш Игәнәйнең тууына 85 ел тулу уңаеннан "Хәзинәләр иле" дип исемләнгән әдәби-шигъри кичә узачак.
– Ел саен арабызда булмаган асыл затларыбызны искә алабыз. Быел күренекле язучыбыз хөрмәтенә зур чара уздырабыз. Кичәдә нәфис сүз осталары, артистларыбыз катнашачак. Алар Ямаш Игәнәйнең шигырьләрен укырлар. Шулай ук, аның якташлары – Сарман районының Ләке авылыннан да килүчеләр булыр. Татарстан Язучылар берлегеннән дә чакырулы кунаклырыбыз бар. Яр Чаллыдан - "Иганә" һәм "Карендәшләр", Лениногорск районыннан шагыйрә, автор-башкаручы Людмила Аланлы, "Бәрмәнчек" фольклор ансамбле чыгышлары көтелә, – дип сөйләде мәдәни үзәк белгече Мариан Казакова.
Шулай ук, керәшен язучыларының иҗатына бәйле күргәзмә белән дә танышып булачак.
Чара 17.30 сәгатьтә башлана, алдан теркәлү дә сорала. Белешмәләр өчен телефон: 8 902 718 84 86 (Илүзә Халитовна)
Чыганак: Я.Емельянов исемендәге мәдәни үзәк
Следите за самым важным и интересным в Telegram-каналеТатмедиа
Керәшен дөньясындагы яңалыкларны ВКонтакте, Телеграм-каналда карап барыгыз.
Хәбәрләрегезне 89172509795 номерына языгыз, шалтыратып әйтегез.
Подробнее: http://tuganaylar.ru/news/novosti/aybagyru-byt
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.
Нет комментариев