Карендәшебез Нина Егорова: “Чишмә тирәсен шау чәчәктә итик”

— Иванайдагы әлеге чишмә авыл халкы тырышлыгы белән эшләнде. Акча җыеп, үз көчләре белән ясап куйдылар. Ерактагы кизләүдән торбалар сузып, якынрак булсын дип, суны авыл эченә хәтле китерделәр. Чишмә юл буенда, уңайлы урында, — дип сөйли озак еллардан бирле Казаннан Иванайга туганына кунакка кайтып йөрүче Нина Егорова. — Кизләү янына былтыр күпьеллык чәчәкләр утырткан идек. Матур булып үстеләр. Аны карап торучылар бар. Чишмә тирәсендә гел чисталык хөкем сөрә.

Фотолар “Ирек мәйданы” газетасыннан.