Кайбычтан махсус операциядә катнашучыларга гуманитар ярдәм озатылды

Кайбычтан махсус хәрби операциядә катнашучы якташларга чираттагы гуманитар йөк озатылды. Йөк машинасына Чүти авылында яшәүче шәхси эшмәкәр Дамир Шәрәфетдинов пилорамыннан 20 кубометрдан артык такта, Мәлки авыл кулланучылар җәмгыяте складыннан әлеге шәһәр халкына бер тонна макарон төялде. Район советы яныннан төзелеш кирәк-яраклары, эш кораллары, егетләр өчен азык-төлек, шәхси посылкалар, маскет сеткалар һәм башкалар төялде.
Бу юлы махсус операция зонасына район башлыгы Альберт Рәхмәтуллин да китте.

Гуманитар йөкне шәхси эшмәкәр Рөстәм Хикмәтуллин йөк машинасында алып китте. Олы Кайбыч авыл җирлеге башкарма комитеты җитәкчесе вазифасын башкаручы Илнур Әхмәтов та аның белән юлга кузгалды.

https://vk.com/kaibicy