Иванай клубы җитәкчесе мобилизацияләнгәннәрнең гаиләләре белән очрашты

Балык Бистәсе районының Иванай авылында "Язгы игелек атнасы" кысаларында авыл мәдәният йорты җитәкчесе Нина Евдокимова махсус хәрби операциядә катнашучы егетләрнең гаиләләре белән очрашты. Аларның хәл-әхвәлләрен, нәрсәләр борчуын белеште. Аралашу барышында барлыкка килгән сораулар Казаклар-Чаллысы авылы җирлеге башлыгына җиткерелде

– Авылыбыздан биш егетебез махсус хәрби операциядә катнаша. Һәрдаим гаиләләре белән аралашып, хәлләрен белешеп торырга тырышам. Барысы да түземсезлек белән улларының ялга кайтуларын көтәләр. Берсе әле менә шушы көннәрдә кайтырга тиеш диеп хәбәр итте әнисе. Тиз арада тынгысызлыклар бетеп, егетләребез туган йортларына исән-имин әйләнеп кайтырга насыйп булсын, – дип уртаклашты Нина Евдокимова.

Фото: Нина Евдокимова