Иске Зәйдә яшүсмерләрне агачтан әйберләр ясау серләренә өйрәтәчәкләр

Конкурс нәтиҗәләре белән Иске Зәй яшьләр үзәге "МастерОК" столяр коворкингы" проектын тормышка ашыру мөмкинлегенә ия булды. Әлеге проект кысаларында яшүсмерләрне агачтан әйберләр ясау серләренә өйрәтәчәкләр.

 Яшьләр үзәге белгечләре хәзерге тормышыбыздә актуаль булган әйберләр ясау буенча мастер-класслар үткәрә башлый.

“Әлеге әйберләрне берничә сәгатьтә ясарга мөмкин. Без агачтан әйберләр ясау серләренә төшенергә теләүче барлык яшүсмерләрне мастер-классларда катнашырга чакырабыз”, - ди яшьләр үзәге белгечләре.  

Шулай ук, кызыклы лекцияләр, аралашу күнекмәләрен, осталыкны һәм командада эшләүгә өйрәтүгә юнәлтелгән тренинглар оештырылачак. Тәҗрибәле оста Юрий Некорыстнов һәм яшьләр белән эшләү вазифасын башкарган белгечләр җитәкчелегендә, агачтан әйберләр ясау буенча һәркем үз көчен сынап карый алачак. Мәгълүмат "Зәй офыклары" редакциясе сайтыннан алынды.