Илебездә әйләнешкә яңа төр купюралар керә

30 июньдә Россиядә 100 сумлык купюралар гамәлгә керде. Яңа “йөзлек”ләрнең бер ягында Мәскәү Кремленең Спасс башнясы фрагменты ясалган, икенче ягында Ригадагы совет солдаты һәйкәле сурәтләнгән. Ашыга-кабалана, 100 сумлык купюраларны яңаларына махсус алмаштырырга кирәк түгел, алар кулланылыштан акрынлап-акрынлап алыначак.

Үзәк Банктагылар искәрткәнчә, яңа банкнотларның сакланыш комплексы тагын да көчәйтелгән.

Якындагыча берничә елда илдәге барлык кәгазь акча – 10, 50, 100, 500, 1000 һәм 5000 сумлык купюралар үзгәртеләчәк. Яңартылган ул банкнотлардан 10 сумлыкларында – Себер, 50 сумлык купюрада – Төньяк-Көнбатыш, 500 сумлыкларында – Төньяк Кавказ, 1000 сумлык акчада – Идел буе, 5000 сумлык купюрада Урал федераль округы сурәтләнәчәк. Соңгы вакытта кулланылышка кергән 200 һәм 2000 сумлык купюралар да әле әйләнештә калачак.

Фото: архив Татар-Информ