Икмәк белән җыр янәшә

Һава торышының матур торган һәр сәгатеннән нәтиҗәле файдаланып калырга тырыша игенчеләребез. Ә район мәдәният хезмәткәрләреннән торган автоклуб хезмәткәрләре үзләренең җыр-биюләре белән аларның эшләренә дәрт-дәрман өсти. Күптән түгел  алар «Үрнәк» хуҗалыгы хезмәтчәннәре  алдында чыгыш ясадылар.
Мәдәният хезмәткәрләре килгәч, басу тагын да җанлана төште. Комбайнчылар, икмәкне ындыр табагына ташучы  шоферлар - барысы да тамак ялгарга  тукталып, концерт карарга җыелды. Басу киңлекләре буйлап моң таралды. Валерия Трофимова, Роза Кузьмина, Николай Бухаров, Ольга Трофимова башкарган җырларны тыңлый-тыңлый тамак ялгап алганнан соң, комбайнчылар янә эшкә кереште.

"Зәй офыклары"