Георгий Ибушев белән Зөфәр Билалов Айдар Рәкыйповка нинди киңәш биргән?

«Сиңа акыл кереп бара хәзер, акыл кергәч өйләнмисең инде ул», — дигән Зөфәр Билалов белән Георгий Ибушев Айдар Рәкыйповка бер концерт вакытында сәхнә артында.

«Мин 30да өйләндем. Балаларым, оныкларым бар хәзер. Чыннан да, аннан соң өйләнәсе килми», — дип үз тәҗрибәсе белән уртаклашкан Георгий Ибушев.

Әлеге сүзләр Айдарны гел уйга калдырган. Аның аптырап басып торуы виртуаль дусларына бик кызык тоелган.

«Айдарны уйландырдылар»;

«Шундый куркып, ышанып тыңлап тора әле ул аларны», — дип елмаю смайллары калдырганнар.

«Яшьләр хәзер акыллы, үзе белә кайчан тормыш корырга икәнен. Сәләмәт булсын! Язганы килеп чыгар әле»;

«Тимерне кызу чагында…

Дия иде бабайлар!

Шәхесләр дә шуны әйтә,

Тыңлагыз сез, «малай»лар!», — дип шигырь юллары да иҗат иткән бер инстачы.

Инстаграм дуслары арасында Айдарның «кәләш»е булырга теләүчеләр дә очраган.

«Кияүдә түгел… Сине көтәм, Айдар»;

«Минем фикеремчә, әле 30 яшьтә дә кияүгә чыкмаган егет-кызлар җитәрлек. Чөнки үзләренең тиң ярларын таба алмыйлар. Миңа 30 яшь. Үземнән чыгып әйтәм инде», — дигәннәр.

ИТ

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.