Фотоларда керәшен тарихы - Югары Чаллы кешеләре

Әлеге фотоны Түбән Кама районы Югары Чаллы авылыннан 83 яшьлек Акулина Прокофьева җибәрде. Фото 1928-1930 елларда төшерелгән. “Хөрмәтле “Туганайлар”! Газетада керәшеннәр төшерелгән иске фотоларны күргәч, үземнең бик кадерләп саклый торган фотокарточканы да сезгә җибәрәм әле. Бу фотода сул яктан керәшен күлмәге,  алҗапкычы кигәне – минем әни, уң якта җилән кигән хатын артистка Аграфена Васильеваның җырак әбисе. Аграфенаның җырак әбисе белән минем әтием бертуган.  Минем әни Зур Атыга мари авылыннан килен булып төшкән, ул 1904 елгы”, - дип язган Акулина түти.

   Кадерле укучыларыбыз! Быел – ТАССР төзелүгә 100 ел уңаеннан, керәшеннәрнең тормышын чагылдырган фотоархив туплыйбыз. Сездән дә шундый фотосурәтләр көтеп калабыз. Бәлки, сезнең гаилә архивларында да шушындый этнографик һәм тарихи фотолар бардыр. Кешеләр фотолары гына түгел, авыл, иман йортлары һәм башкалар төшерелгәннәре дә бардыр.. Фотоларны редакциябезгә җибәрсәгез, газетада басытырырбыз, сайтыбызга, социаль челтәрләрдәге группаларыбызга урнаштырырбыз. Фотоларны tuganaylar@yandex.ru электрон почтасына, 89172509795, 89172803499 номерларына (Ватсап аша) җибәрегез.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз. Яңалыкларыгызны 89172509795 номерына "Ватсап" аша языгыз.