Рәсми эшсез булып теркәлгәннәр 2023 елда, иң күп дигәндә, бер айга 12 мең 792 сум пособие алачак.
Моны Россия хезмәт һәм социаль яклау министрлыгы тәкъдим итә. Ә бу пособиенең иң аз күләме –1500 сум.
Эшсезлек буенча максималь күләмдәге пособиегә эшсез булып теркәлгәнгә кадәр ел дәвамында 29 атна эшләгән кеше өметләнә ала.
Бу төр пособиене түләү тәртибе түбәндәгечә: эшсез булып теркәлгән кешегә беренче өч айда үз хезмәт хакының 75 проценты күләмендә (әмма 12 мең 792 сумнан артык түгел!) пособие түләнә. Икенче өч айда – 60 процент, әмма пособие күләме 5 мең сумнан күбрәк була алмый.
Нет комментариев