Чистай өлкәннәре солдатларга хатлар яздылар

Өлкәннәр хәрбиләр өчен гуманитар ярдәм буларак азык-төлек, шәхси гигиена әйберләре, җылы оекбашлар, бияләйләр һәм башкаларны җыйдылар. Чистай районы ветераннар (пенсионерлар) советы активистлары барлык әйберләрне тартмаларга тутырдылар.

 – Бу әйберләр хәрбиләрне салкыннарда җылытсын, – ди Валентина Галләмова, җылы оекбашларны аерым тартмага салып. Тамара Аблеева аңа бу эштә ярдәм итә. Башка өстәлдә – азык-төлек тупланмалары. Аларны Ольга Добронравова һәм Татьяна Шведчикова төрләргә аера.

Өлкәннәр солдатларга хатлар да яздылар. Аларга туганнары һәм якыннары янына тиз арада әйләнеп кайтуларын теләделәр, аларның барысын да өйдә көтәләр, дип яздылар.

 Гүзәл Гомәрова. Чистай хәбәрләре.