Бу фотодагы кода-кодачалар, хәбәр бирегез

2001 елда төшерелгән бу фотоның арткы ягында түбәндәге сүзләр язылган: “Җөри кодаларга – Дүсмәт авылы кода-кодачаларыннан. Яшьлек вакытларыгызны искә төшереп, карап утырырсыз.

                                                                                      Фәнил, Наҗия. Февраль, 2001 ел”.

Фотоларның артында истәлек язуы калдыру – яхшы гадәт. Ә инде ул фотоның кайсы елны, кайда төшерелгәне һәм анда кемнәр икәне дә исем-фамилияләре белән теркәп куелса, тагын да шәбрәк! Әмма күп очракта онытыла шул.

Җөри кодаларына бүләк ителгән бу фотода кемнәр икәнен, әйдәгез, бергәләп ачыклыйк әле. Таныган кешеләрегез булса,“Туганайлар” редакциясенә ватсап аша (телефон номеры: 8-917-250-97-95) чыгып, үзегез белгәннәрне хәбәр итәрсез дип ышанабыз.