Бирдебәктә окоп шәмнәрен ясауга яшьләр дә үз өлешен кертә

Шәм ясау өчен чиста консерв банкалары, катыргы, парафин кирәк. Балык Бистәсе районының Бирдебәк авылы клубында махсус хәрби хезмәттәге алгы сызык өчен окоп шәмнәре ясаганнар.  

«Бу шәмнәр солдатларга өй җылысы биреп янсыннар», — диләр Бирдебәктә окоп шәмнәре ясаучылар.

«Парафин сатып алырга Үри авылы яшьләре Евгений Иванов һәм Наталия Гаврилова булышты, ә калай банкаларны Альмира Иванова җыеп бирде. Барлык булышкан авылдашларга чиксез рәхмәтлебез»,— дип язды Бирдебәк авылы клубы җитәкчесе Евдокия Толстова.