Безнең республикада халык әйбәт яши

Беренче өчлектә, элеккечә үк, Мәскәү, Санкт-Петербург һәм Мәскәү өлкәсе. РИА “Новости” тикшеренүләре шуны күрсәткән.

Ә беренче унлыкка, шулай ук, Краснодар крае, Белгород өлкәсе, Ленинград өлкәсе, Калининград өлкәсе, Ханты-Манси автономлы округы һәм Самара өлкәсе дә керә.

Халыкның тормыш дәрәҗәсе әйбәт булган регионнарның беренче егермелегендә безнең күрше Башкортстан да бар: ул моңа кадәр 26нчы урында булса, хәзер 20нче урынны алып тора.

Тормыш дәрәҗәсен билгеләү рейтингы 67 күрсәткечтән чыгып төзелгән. Шул исәптән, халыкның кереме, эш белән тәэмин ителеше, торак шартлары, тору урынының иминлеге, демографик хәл, экология һәм климат үзенчәлекләре, сәламәтлек, белем дәрәҗәсе, социаль инфраструктура объектлары белән тәэмин ителү, икътисад үсеше, кече эшмәкәрлек үсеше, территориянең үзләштерелүе, транспорт инфраструктурасының үсеше исәпкә алынган.