Бакалыдан отец Василий Кузнецов Казан духовная семинариясен тәмамлап, диплом алды

Бу тантаналы чараны Казан и Татарстан митрополиты Кирилл җитәкләде. 

Башкортстан республикасының Бакалы районындагы Киләй һәм Иске Маты приходлары священнигы отец Василий Кузнецов та Казан духовная семинариясендә белем алды. Аның диплом эше Бакалы керәшеннәренә багышланган, “Бакалы керәшеннәре: күченү тарихы һәм аларның этномәдәни портреты” дип атала. Отец Василийның фәнни җитәкчесе - Казан духовный семинариясенең гомуми һәм чиркәү тарихы кафедрасы җитәкчесе, Казандагы Тихвин чиркәве настоятеле, протоиерей Алексий Колчерин.

Отец Василий Кузнецов диплом яклап, богослов бакалавры дәрәҗәсен алды.  "Барысы өчен дә Ходайга мең шөкер!" - дип язган отец Василий Кузнецов үзенең ВКонтакте битендә. 

Тагын укыгыз: Отец Василий Кузнецов: "Ходай могҗизасын күрдем"