"Айбагыр" чибәре һәм җегете ачыкланды - фото, видео

20 август көнне "Айбагыр" этнолагерендә "Айбагыр чибәре" һәм "Айбагыр җегетен" сайладылар. Конкурста барлыгы 5 егет һәм 4 кыз катнашты.

"Айбагыр кызы" һәм "Айбагыр җегете" - этнолагерьнең иң көтеп алынган конкурсларының берсе. Конкурска егетләр һәм кызлар смена башыннан бирле әзерләнә: керәшеннәрнең мәдәниятенә, йолаларына, бәйрәмнәренә багышланган лекцияләрне тыңлый, милли биюләрне, җыруларны үзләштерә. Конкурс барышында балаларның керәшеннәргә кагылышлы барлык белемнәре дә ачыклана, иң матур сәләтләре сәхнәдә күрсәтелә.

"Айбагыр"да барлыгы 4 отряд бар. Конкурста һәрбер отрядтан да катнашучылар булды. Кызлар арасында: 4 отрядтан - Анастасия Харитонова, 5 отрядтан - Дарья Дементьева, 6 отрядтан - Анжела Чуктиева һәм 7 отрядтан - Антонида Асанова. Егетләр: 4 отрядтан - Артём Рязанов, 5 отрядтан - Андрей Казанцев, 6 отрядтан - Дмитрий Степанов, 6 отрядтан - Арсений Сергеев, 7 отрядтан - Елисей Грибаков. Конкурсның өч этабын да уңышлы үтеп, балалар төрле номинацияләрдә җиңү яуладылар:

Анжела Чуктиева - "Сәхнә җолдозы";

Дарья Дементьева - "Иң сөйкемле кыз";

Анастасия Харитонова - "Иң оста биюче кыз";

Антонида Асанова - "Иң музыкаль кыз";

Елисей Грибаков - "Кызлар күңелен яулаучы җегет";

Андрей Казанцев - "Иң булдыклы җегет";

Артём Рязанов - "Иң шаян җегет";

Арсений Сергеев - "Иң музыкаль җегет";

Дмитрий Степанов - "Иң кыю җегет";

"Айбагыр чибәре" һәм "Айбагыр җегете" титулларын Анжела Чуктиева һәм Андрей Казанцев алды.