Июльнең соңгы көннәрендә һәм 1 августта Татарстанда тотрыксыз һава торышы, яшенле яңгыр көтелә.
Бу хакта Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.
Республикада +36 градус эсселек, кыска вакытлы яңгыр һәм яшен көтелә. 29 июльдә көндез һава торышы үзгәрми.
Якшәмбе республика актив атмосфера фронтына эләгә. Көчле яңгыр һәм яшен көтелә, җил секундына 17-22 метр тизлек белән исәчәк.
Төнлә һава температурасы +17..+22 градус була. Көндез Татарстанның көнбатышында һава температурасы +26..+31 градус, көнчыгышта +36 градуска кадәр көтелә.
Якынча мәгълүматлар буенча, киләсе атна тотрыксыз һава торышыннан башлана. Кабат яшен, яңгыр көтелә, һава температурасы +24..+29 градус, көнчыгышта +33 градуска кадәр фаразлана.
Нет комментариев