Атнага ничә күкәй ашарга була?

Көнгә бер күкәй аашуны гадәткә керткән кешеләрдә йөрәк ишемик авыруы куркынычы – 12 процентка, инфаркт куркынычы – 14  процентка, баш миенә кан саву  – 26 процентка, инсульт 10 процентка кимрәк булган.

Бу саннарны Россия диабетлар ассоциациясе президенты, энкдокринолог Михаил Богомолов китергән. Ул аларны Кытай галимнәре  хезмәтенә таянып әйткән. Ә Кытайда әлеге мәсьәлә буенча медицина тикшерүләрендә 0,5 миллион кеше катнашкан.

Шулай ук, бу табиб  әйтүенчә, Австралиядәге тикшерүләр, хәтта, атнага 12 күкәй (көнгә – 1-2) ашауның шикәр чирле кешеләр канындагы холестеринны арттырмавын күрсәткән.

Димәк, иртәнге ашка күкәй тәбәсе әзерләүче кешеләр, һич икеләнүләрсез, үзләре яраткан бу ризыкны ашауларын дәвам итә алалар.

Майлы табага аз гына тоз сибеп, помидор телемнәре тезеп, өстенә 1 күкәй сытып һәм шул күкәй сарысына бераз гына борыч та салып тәбә пешерсәң, телеңне йотарлык булыр.