Александр Игнатьев: "Яраткан кешеңнең нинди милләттән булуы мөһим түгел"

Әти-әниләребез, әби-бабаларыбыз безгә "керәшен кызына өйлән" яки "керәшен егетенә кияүгә чык", дип әйтә килә. Күпләр олыларның сүзләрендә дөреслек бар диеп, аларны тыңлый, үзалдына чын керәшен гаиләсе корырга дигән максат куя. Икенчеләр яраткан кешесенең милләтенә карап тормый, иң төп урынга мәхәббәтне куя. Андый кешеләр рәтенә  "Бәрмәнчек" ансамбле солисты Александр Игнатьев та керә. 21 август көнне Яков Емельянов исемендәге керәшен үзәгендә биргән интервьюсында ул бу турыда фикерен белдерде.

- Керәшен кызына өйләнәм, яки керәшен егетенә кияүгә чыгам, дип йөрсәң, парсыз да калырга мөмкинсең. Керәшен кешесен табарга да кирәк бит әле. Чын керәшен семьясы булдырырга йөреп, яратмыйча торып та булмый. Керәшен кешесеме ул, юкмы, беренче чиратта ул яраткан кешең булырга тиеш.  Яратып өйләнешкән кешеләрнең семьясында бәхет була. Ярату булса, тормыш иптәшеңнең башка милләттән булуы да мөһим түгел, - ди Александр.

Ә сез аның белән килешәсезме?

Фото: Рифхат Якупов