Мария Савельева: «Рәхәтләнеп тауда шудык – күңелләрне күтәрдең...»

"Кыш бабай"

Әй, Кыш бабай, Кыш бабай,

Җөрисең җырлап-биеп.

Кар көртләрен мул итеп,

Төнлә бирәсең өеп.

Әй, Кыш бабай, Кыш бабай,

Ишегалларына керәсең.

Керәсең дә кунасың,

Кергәч, килми китәсең.

Әй, Кыш бабай, Кыш бабай,

Бер кич кунгач китмисең.

Язга кадәр торасың,

Беркемгә үч итмисең.

Әй, Кыш бабай, Кыш бабай,

Бизәкләрең күптөрле.

Таң атканчы армый-талмый

Бизәп куйдың һәр өйне.

Әй, Кыш бабай, Кыш бабай,

Үз нормаңны үтәдең.

Рәхәтләнеп тауда шудык,

Күңелләрне күтәрдең.

Әй, Кыш бабай, без әйтәбез,

Язга кадәр тор, диеп.

Озатырга да килербез,

Язга урын бир, диеп.

(Фотода: Түбән Кама керәшен оешмасы активистлары. Мария Савельева – сулдан икенче)