Колышчыдан “Покрау” ансамбле пилмән ясау өмәсе оештырган

Элгәре кич утырулар, аулак өйләр еш булган. Анда халык буш йөрмәгән, кул эшләре белән шөгыльләнгән, салкыннар башланып, маллар суелганнан соң, бергә җыелып аш-су да әзерләгәннәр.

Шуларны искә алып, Мамадыш районының Колышчы авылында “Покрау” ансамбле кызлары-егетләре жыелышып кич утырганнар. Файдалы эш – пилмән дә ясаганнар.

“Виталий Трушовлар йортына җыелыштык. Авыл көйләрен, җыруларыбызны да барладык. Хатын-кызлар гына түгел, ир-атлар да пилмән ясады. Күңелле булды. Кызганыч, хәзер мондый жыелулар азаеп бара, халык күбесенчә капкаларын бикләп өйдә утыра”, – дип хәбәр итте авылдашлары Ирина Партушева.