«Бәрмәнчек» артистларына дәүләт бүләкләре тапшырдылар

Ансамбльнең балет артистлары Дмитрий Тачаевка һәм Алмаз Тукмановка Татарстан мәдәният министрлыгының «Мәдәнияттәге казанышлар өчен» күкрәк билгесе тапшырылды. оркестр артисты Антон Зорий, солистлар Ольга Бачкова һәм Илнур Әхәтов Татарстан мәдәният министрлыгының Рәхмәт хаты белән бүләкләнде. 

«Бәрмәнчек» оешканның беренче көннәреннән ансамбльдә җырлап, биеп йөрүчеләр арасыннан ансамбльнең сәнгать җитәкчесе, Татарстанның атказанган сәнгать эшлеклесе Эльмира Кашапова; фольклорчы, Казан дәүләт консерваториясе доценты, Татарстанның атказанган сәнгать эшлеклесе, сәнгать фәннәре кандидаты, галим Геннадий Макаров; Татарстанның атказанган артистлары — Елена Григорьева (оркестрдан), Татарстанның атказанган артисты Эльвира Камалова (хормейстер), Татарстанның атказанган артисты, Азат Хәмидуллин (дирижер); Оксана Дмитриева (солист); оркестр артисты Адель Низаметдинов; солистлар Снежана Абрамова һәм Илнар Зәйнетдинов Татарстан керәшеннәре иҗтимагый оешмасының Рәхмәт хатына лаек булды. Хатларны Людмила Белоусова тапшырды.

«Ансамбль үз йөзе булган коллективка әйләнде, яшь кадрлар тәрбияләде. Россиянең төрле регионнарында чыгыш ясап, халкыбызны танытты. Үзенең уникаль репертуарын булдырды. Алар һәрвакыт үсештә», — дип сөйләде республика керәшен иҗтимагый оешмасының башкарма комитеты җитәкчесе Людмила Даниловна