Рождество уразасы - тән һәм акыл арулыгы өчен

Керәшеннәр өчен Христос тууы бик мөһим һәм куанычлы вакыйга, чөнки бу көнне кеше янына Алла үзе килгән. Аның бу килүе тавыш-тынсыз булган, беркайда да җир тетрәве, яшен яшьнәве ишетелмәгән. Христосны яратучыларга һәм аның тууына ышанучыларның йөрәкләренә дә Алла шулай сиздерми генә килә, ди священиклар.

Рождество уразасы бик кырыс саналмый, чәршәмбе һәм татар атнасы (җомга) көннәреннән кала башка көннәрдә балык ашарга ярый. Рождество уразасының дәвамлыгы төрле вакытта төрлечә булган. Кайчандыр Рождество алдыннан бер атна ураза тоткан булсалар, соңрак, монахлар йогынтысы белән, 40 көн дәвамында ураза тота башлаганнар, әмма таләпләр йомшара төшкән. Ураза Христос Рождествосы литургиясеннән соң тәмамлана, бәйрәм табыны рөхсәт ителә.

Рождество уразасында, Олы уразадан аермалы буларак, үлеләрнең тугызын, кыркысын уздыру ярый. Табынны уразада рөхсәт ителгән ризыклардан гына әзерләргә кирәк. Россиядә Яңа ел бәйрәме Рождество уразасы вакытына туры килә. “Миңа бөтен нәрсә дә рөхсәт ителә, ләкин бар нәрсә дә файдалы түгел”,- дигән апостол Павел. Шуңа күрә, һәр христиан кешесе дөньяви бәйрәмгә ни дәрәҗәдә кушылуын үзе хәл итәргә тиеш. Барысы да кешенең рухи байлыгыннан, дөньяви кыйммәтләргә мөнәсәбәтеннән тора. Мәсәлән, Алла ризалыгы өчен генә яшәүчеләр бар, андыйларга мондый бәйрәмнәр кызык түгел дигән фикердә тора священниклар.
Әлеге уразаның ни өчен кирәк булуын аңларга кирәк.. Ураза – бар нәрсәдән дә тыелып тору, шул исәптән, ризыктан да. Ураза җазык төшерә торган төрле гамәлләр: хыянәт, җенси оятсызлык, кул уйнату һәм теләк, күңелдә булган начар уйларны кисәтә. Рождество уразасының төп
асылы шул.
Ураза – имансыз тору һәм Алла белән сөйләшүдән башка мәгьнәсез. Христианнар йөрәк һәм акыл чисталыгы өчен ураза тота. Вакыт узу белән бу чисталык килгән вакытта кеше һәрвакыт Алла белән, элемтәдә торачак. Кешене төрле уйлар котыртып торганда ул Алла белән тиешенчә якыная алмаячак. Моны мин чи утын белән учак ягарга тырышуга тиңләргә була. Тән уразасының төп асылы шунда.