Керәшеннәрнең Тугым бәйрәме кайчан, ничек уздырылган?

Кыш көне авылда күңел ачуларның ниндие генә юк. Шулай да бу көннәрдә уенның үзәге тугым әйләндерү булгандыр. Яшүсмерләр башта кардан арчылган туң җирне чокып, арба күчәре юанлыгындагы туера казык утырталар. Ул су сибеп катырыла. Аска тугымы һәм кигиләре төшкән иске арба тәгәрмәче бүкәне дә катырып калдырыла. Аның өстенә төзек тәгәрмәч кидертәләр. Ул дегет белән майлана. Юкса, әйләндергәндә ут кабып,янып китүе ихтимал. Тәгәрмәчкә озын колга беркетелә. Аның башына чана тагыла. Хәзер инде аны,кигиләр арасына күсәкләр тыгып, әйләндерәсе генә кала. Бу, мөгаен,ул вакытта авыл малайлары белгән иңзур тизлек булгандыр. Ә кичен,көнозын чыр-чу килеп уйнаган малайлар, нардуганчыларга ияреп, өйдән-өйгә кереп йөри башлыйлар.

Александр Филиппов.