“Усыкай буйлары” керәшен фольклор ансамбле

“Усыкай буйлары” – Мөслим районы, Яңа Усы авылындагы керәшен фольклор ансамбле. Ансамбльнең җитәкчесе – Наилә Демидова, 1980 нче елда, авылның иң актив үзешчәннәрен җыеп, 9 кешедән торган ансамбльне оештыра. Шул вакыттан бирле, авылда бер генә чара да ансамбль катнашыннан башка узмый. Аның репертуарында керәшен милли бәйрәмнәре, җырлары, биюләре төп урынны алып тора. Хәзерге вакытта ансамбль 30га якын кешедән тора. Ул бүгенге көндә районда гына түгел, республика күләмендә дә танылып өлгерде.

Сезгә “Усыкай буйлары” фольклор ансамбле репертуарыннан “Усы басулары” җыруын тәгъдим итәбез:

Усы басулары да ла зурлар да ла басу,

Ике малай кырларны ла әле, тырмалай (2)

Беребез дә андый ла, беребез дә монда

Адашыптай йөргәндәй ләй әле, ай, торнадай (2).

Кояшлар ла чыгар ла, ай, айлар да әйләнеп,

Агачлардан агачларга ай, әле, ай, бәйләнеп (2).

Исәпләр булсак та ла, берләр дә кайтырбыз,

Җирнең чатларыннан дай әле, ай, әйләнеп (2).

Фото: http://muslumovo.tatarstan.ru/