Онытылмый

Павел Апушев

Онытылмый      

Рәхәт салкын биреп тора июль киче,

Аланлыктан аңкый пешкән җиләк исе.

Чикерткәләр тынмас дәртле җырын суза,

Печәнчеләр кайтыр юл да шуннан уза.

Яшел алан гүя татлы шәраб сыга,

Шәраб үзе күренми, тик исе чыга.

Җир җиләге, йөз яшергән кызлар кебек,

Җиргә иелеп. Тыйнак кына тора көлеп.

Кояш аны комач төскә манып киткән

Менә-менә өзелергә вакыты җиткән.

Җиргә тиям-тиям диеп торганда ул,

Сыта  күрмим дигән төсле орына кул