Гомер итү безгә дәвер эш

Айкай да ла чайкый чабарларга

Печән чабулары авыр эш.

Борыла-сарыла үскән бер курай,

Насыйп итсен иде бер Ходай.

Безләр уйнаек та, без көләек,

Гомер итү безгә дәвер эш.

Басма, җаный, басма башына,

Рәхәт бирсен газиз башыңа.

Уйнасак та үтәр, ай бу гомер,

Уйнамасак та үтәр бу гомер.

Сорыла-сарыла үскән бер курай,

Насыйп итсен иде бер Ходай.

Яхшы да гына юлда яхшы җөрсәк,

Сайрамактай үтәр бу гомер.

Басма, җаный, басма башына,

Рәхәт бирсен газиз башыңа.

"Керәшен җыру әйтә" китабыннан