Татарстанда кайбер кешеләргә чит илгә чыгу тоела

Әмма дәүләт чиген узу мөмкинлеге бөтен кеше өчен дә каралмаган: кайбер очракларда гражданинның Россиядән чыгу хокукын вакытлыча чикләргә мөмкиннәр. Моның белән кемнәр очрашырга мөмкин? Бу хакта тулырак - «Татар-информ» агентлыгы материалында.

Чит илгә чыгуны чикләү берничә нигез буенча кулланыла ала. Алар түбәндәгеләр:

- суд приставы тарафыннан башкарма эш кузгатылган бурыч булса һәм аның күләме законда билгеләнгән чиктән артып китсә. Бу хакта мәгълүматны Дәүләт хезмәтләре порталы аша тикшерергә мөмкин;

- әгәр гражданинның дәүләт серен тәшкил белешмәләрдән файдалану мөмкинлеге булса йә чит илгә чыгуны чикләүне күздә тоткан вазифа биләсә;

- хәрби яки альтернатив гражданлык хезмәте үтү чорында;

- хәрби комиссариат повесткасын алганнан соң, әгәр ул хәрби хезмәткә чакыру белән бәйле булса;

- әгәр кеше җинаять эше буенча шикләнелүче яисә гаепләнүче булса;

- судның үз көченә кергән гаепләү карары булса һәм җәза әле үтәлмәсә;

- гамәлдәге Федераль иминлек хезмәте вәкилләре, шулай ук ведомствоның кайбер элеккеге хәрби хезмәткәрләре өчен. Эштән азат ителгәннән соң тиешле чикләү аерым очракларда берничә ел дәвамында сакланырга мөмкин;

- әгәр чит ил паспортын рәсмиләштергәндә гражданин белә торып дөрес булмаган белешмәләр күрсәткән булса;

- гражданинны банкрот дип таныганнан соң - суд тарафыннан тиешле чикләү кертелгән очракларда.

Балигъ булмаган балаларга карата аерым кагыйдәләр гамәлдә. Әгәр ата-аналарның берсе баланың чит илгә чыгуына риза түгел икәнен рәсми рәвештә белдерсә, аны Россиядән чыгармаска мөмкиннәр.

Татар-информ

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.