Якты Күлдә «Алмалы» бәйрәм: Спас традицияләре яңарды

«Спас килде — алма китерде» дип исемләнгән фольклор кичәсе авыл халкына җәйнең иң ямьле бәйрәмнәренең берсен –  Алма Спасын искә төшерергә мөмкинлек бирде.

Очрашу барышында катнашучылар бу бәйрәмнең тарихын белделәр. 

«Алып баручы халык сынамышлары, мәкальләр һәм күпләр өчен яңалык булган кызыклы фактлар белән бүлеште. Кунаклар „Спас“ сүзенең мәгънәсен аңлап, август аенда билгеләп үтелә торган өч зур бәйрәм — Бал, Алма һәм Чикләвек Спасларының үзенчәлекләре белән таныштылар. Чара бары тик мәгълүмат белән генә чикләнмәде: кунаклар актив рәвештә викториналарда катнаштылар, алма турындагы әкиятләрне искә төшерделәр, зирәклекләрен сынап, табышмаклар чиштеләр һәм тематик кроссвордлар тутырдылар», — диде авылның мәдәният йорты җитәкчесе Татьяна Егорова. 

Бу кичә авыл кешеләренә бергәләп ял итү, гореф-гадәтләребезне яңарту һәм күңелле аралашу мөмкинлеге булды. Бәйрәм рухы һәркемнең күңелендә җылы истәлек булып калды.

Т.Егорова фотолары.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.