Казан белән Мәскәү арасында яңа трасса төзеләчәк

Россиянең Премьер-министры Дмитрий Медведев Европа – Көнбатыш Кытай халыкара транспорт коридорына керүче Мәскәү - Казан автомобиль юлы төзелешен раслады, дип хәбәр итә "Ведомости" газетасы.

Хөкүмәт Мәскәү – Казан тиз йөрешле трассасы төзеләчәк, дигән карар чыгарган. Мәскәүдән Владимирга кадәр булган яңа дүрт полосалы трассаны 2024 ел ахырына кадәр төзергә ниятлиләр.

Яңа трасса Казаннан Мәскәүгә кадәр юлны икеләтә кыскартачак - башкалага 6,5 сәгать эчендә барып җитәргә мөмкин булачак.

Фото: pixabay.com