Туганайлар

Covid-19 очраклары арткан очракка хастаханәләрдә өстәмә урыннар әзерлиләр

Рөстәм Миңнехановка Республиканың сәламәтлек саклау министры Марат Садыйков өстәмә меңләгән урыннар әзерләнүен белдерде

Яңа типтагы Covid-19 коронавирус белән авыручылар саны арткан очракта кирәкле санда койка-урыннар булуын тикшерү өчен, Татарстан Президенты Рөстәм Миңнеханов 7нче Казан шәһәр клиник хастаханәсендә булды. Биредә алты сәгать эчендә өстәмә рәвештә 150 урын әзерләнгән.

Республиканың сәламәтлек саклау министры Марат Садыйков илкүләм һәм төбәк планнары нигезендә, коронавируслы пациентларны госпитализацияләү кирәк булган очракта, өстәмә рәвештә 3,8 меңнән артык койка-урын булдырылачагын әйтте.

Моннан тыш, урыннар барлык үзәк район хастаханәләренең йогышлы авырулар бүлекләрендә дә барлыкка киләчәк. Шулай итеп, Татарстанның бөтен территориясе буенча хастаханәгә керү мөмкинлеге максималь дәрәҗәдә әзер булачак, диде Татарстан Сәламәтлек саклау министрлыгы башлыгы. Садыйков шулай ук медицина персоналының инфекционист хезмәттәшләренә ярдәм итәргә һәм эшкә кушылырга әзер булуын искәртте.

Рөстәм Миңнеханов, хастаханәләрдә дәваланучы пациентлар уңайсызлыклар кичермәсен өчен, агымдагы эшчәнлекне дәвам итүнең дә мөһимлеген әйтте.

«Медицина хезмәткәрләре хәзер алгы фронтта, безнең кешеләрнең сәламәтлеген саклыйлар. Үз-үзләрен аямый хезмәт куялар. Без аларга рәхмәтле булырга тиеш! Һәм алар хакына — якындагы атнада өйдә калырга кирәк», — дип искәртте Татарстан Президенты. 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: