Туганайлар

Безнең арада танкистлар бармы?

8 сентябрь көнне илебездә Танкистлар көне билгеләп үтелә.

Танкистлар көне Россиядә Советлар Союзы вакытыннан бирле үк билгеләп үтелә. Әлеге бәйрәм, 1946нчы елны, Бөек Ватан сугышы тәмамланганнан соң, сугыш вакытында танк гаскәрләренең дошманны тармар итүгә керткән зур өлешен искә алу хөрмәтенә кертелә. Ә инде 2006 елдан, сентябрь аеның икенче ял көне Президент Указы нигезендә танкистлар көне итеп официаль рәвештә билгеләнә. Россиянең танк гаскәрләре бүген дә төп һөҗүм итү һәм көчле саклану чарасы булып тора.
Шул уңайдан танкистлар гаскәрендә хезмәт иткән, танклар төзүдә катнашкан укучыларыбызны бәйрәмнәре белән котлыйбыз. Әлеге бәйрәм көнендә нык сәламәтлек, оптимизм, күңел күтәренкелеге һәм бетмәс-төкәнмәс энергия теләп калабыз. Иң кыю планнарыгыз гамәлгә куелып, якты хыялларыгыз чынга ашсын, ә йортларыгызда тынычлык һәм иминлек хөкем итсен.

Фото: Sputnik

Нравится
Поделиться:
Реклама
Комментарии (0)
Осталось символов: