Күсе елында нинди бүләкләр бирергә ярамый?

Күсе – хуҗалык эшләрен яратучы җәнлек. Дусларыгызга, туганнарыгызга тормышта кирәге чыгардай файдалы бүләкләр алыгыз. Мәсәлән, аш-су приборы, таба, төрледән-төрле тәмле чәйләр, яхшы тастымаллар, төрле җиһаз, кибетләргә сертификатлар һәм башкалар. Күсе сыр ярата. Шуңа күрә, төрле сорттагы тәмле сырлардан торган җыелма-набор  бирергә дә була. Ел символы булган сувенирлар, уенчыклар бирергә дә рөхсәт ителә. Мондый бүләк хуҗаларга уңыш китерәчәк. Әмма  чын күсе бүләк итәргә киңәш ителми. Ел хуҗасының рәнҗеше төшәргә мөмкин. Шулай ук, мәче сурәте төшерелгән предметлар, пыяладан ясалган җиһазлар, ислемай, кыйммәтле бизәнү әйберләре бирергә дә ярамый.

Фото: pixabay.com

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.