Кода-кодагыйлар җыруы - видео

Элеге җыруны редакциябезгә кунакка килгән Казан шәһәрендә иҗат итүче "Казансу" керәшен фольклор ансамбле солистлары Мария Семёнова белән Римма Ивановадан яздырып алдык. Кыска гына вакыт эчендә бу видео ВКонтакте социаль челтәрендә 7 меңнән артык карау җыйда һәм бу сан көннән-көн арта. 

Ишекләрдән кердегез лә,
Исәнләшә белдегез.
Мәкнең алсу чәчәге күк,
Күземә күрендегез.

Минем чәчем – ике толым,
Кулым тала үрергә.
Ерак юлны якын итеп,
Килдек сезне күрергә.

Үстердем кызымны ла,
Син үстердең улыңны.
Гомергә бергә булыек,
Бир кодагый кулыңны.

Кодаларның урындыгы –
Кара шомырт агачы.
Кара безнең кодаларга –
Пар сандугач баласы.