Кичәге чәй зыянлы

Алар зарарлы матдәләр бүлеп чыгаруга сәләтле. Мондый эчемлекне куллану сәламәтлек өчен зарарлы. Әгәр чәй шикәрле булса, бу процесс тагын да тизрәк бара икән. Ә төн буе торган чәйне бөтенләй эчәргә ярамый. Кичәге чәй эчәклек эшчәнлеген бозарга мөмкин, ә иң куркынычы – бавыр һәм йөрәк зыян күрәчәк.
Аны кабат кайнату да андагы гөмбәчекләрне юк итмәячәк. Шуңа күрә диетолог лар яңа пешерелгән чәйне генә эчәргә киңәш итә.

Чәй әзерләү серләре

• Чәйнектәге су кайнап чыгу га чәй эчәргә әзер, дигән сүз түгел әле.
• Чәй бөртекләрен махсус кечкенә чәйнеккә салып пешерергә кирәк.
• Чәйне пешерер алдын нан чәйнекне кайнар су белән чайкарга киңәш ителә.
• Чәйнеккә чәй бөртекләре салып, өстенә кайнар су агызып, 5-6 минут каплап торсаң, эчемлек тәмле дә, хуш исле дә була.
• Көн дәвамында кат-кат пешерелгән чәйнең исә зарардан башка файдасы юк.
• Һәр хуҗабикәгә 2, 5, 6 саннарын истә калдырырга киңәш ителә. 2 минут төнәтелгән чәйдәге кофеин кәефне күтәрә; 5 минут төнәтелгән чәйнең эфир майлары организмны тынычлындыра; 6 минут пешкән чәй эчү өчен иң тәмле, хуш исле чәй санала.
• Һәр халыкның дип әйтерлек чәй пешерү буенча үз ысуллары бар һәм һәрберсе үзенекен мактый.
• Кытайлар аны чәйнектә түгел, ә капкачлы махсус чынаякта пешерә.
• Инглизләр чәйне бары тик сөт белән генә эчә. Башта сөт салына, аннан чәй ясала. Бу – кагыйдә.
• Төньяк Африкада яшел чәйне бөтнек белән төнәтеп, шикәр кушып, кайнар килеш эчәләр.
• Көнчыгышның кайбер илләрендә чәйне боз белән һәм цитрус җимешләре согы белән эчәләр.
• Тибетта чәйне бик каты пешерәләр һәм аңа сары май, тоз кушып эчәләр. Катнашманы махсус савытта куе масса хасил булганчы болгаталар.
• Кыргызстанда, Монголиядә чәйгә он, тоз һәм сарык мае кушалар.

Чыганак

Фото:https://pixabay.com/ru