Кавын күзләргә һәм хәтер өчен файдалы

Кавын күзләргә яхшы тәэсир итә. Аның составындагы зеаксантин һәм лютеин – күз үткенлеге өчен файдалы булган каротиноидлар. Алар күзләрне кояшның зарарлы нурларыннан саклыйлар, ирекле радикалларны нейтральләштерәләр.

Шулай ук, С витаминына бай кавынның җәй көне тән тиресен кояшның ультрафиалет нурларыннан саклауда да файдасы бар.

Эч катып интегүчеләргә дә кавын ярдәмгә килә. Әлбәттә, чаманы онытмаска кирәк.

Кавынның кайбер сортлары В6 витаминына бай. Ә бу витаминның Альцгеймер авыруыннан саклауда роле зур. Ул, шулай ук, балаларның нерв системасына да уңай йогынты ясый. Әмма, һәрвакыттагыча, теге яки бу яшелчәне, җиләк-җимешне балаларга ашатканчы, табиб белән киңәшләшергә кирәк.

Кавын кеше оргнаизмы өчен файдалы булса да, ашказаны-эчәк авыруы булган кешеләргә, бөерләре авыртучыларга аны ашарга киңәш ителми.