Әгәрдә чәчегез күпләп коела башлаган икән, әлеге киңәшкә күз салыгыз.

Йомырканың агын һәм сарысын аерырга. Сарысы күбрәк коры чәчләр өчен, ә агы майлы чәчләргә туры килә. Йомыркага 1 чәй кашыгы зәйтүн мае салып болгатырга, аннары чәчләргә сөртергә. 20 минут тотканнан соң, башны әйбәтләп шампунь белән юарга кирәк.
Балны шулай ук зәйтүн мае белән болгатып, чәч төпләренә сыларга мөмкин. Май һәм балны бергә бер пропорциядә алырга. Тик бал кушып ясала торган масканы сак куланырга кирәк. Кайбер кешеләрнең баш тиресенә бал аллергия бирергә мөмкин.
Иң файдалы һәм зыянсыз ысул булып, әлбэттә, үләннәр белән дәвалану тора. Кипкән ромашканы, роза таҗларын, әрекмән яфрагын һ.б. үләннәрне 1 литр кайнар суга ярты уч салырга һәм төнәтергә . Кайнар су бераз суынгач, чәчләрне чайкарга ярый.

Чыганак

Фото:https://pixabay.com/ru