Ураза ашлары: яшелчә котлеты

Аны әзерләү өчен кирәк: брокколи яки чәчәк кәбестә, кишер (300 грамм), шампиньон гөмбәсе (150 грамм), он (2 аш калагы), сарымсак (2 бүлемтек), сохари вагы (2 аш калагы), тәменчә тоз һәм борыч, кыздыру өчен бераз үсемлек мае.

Яшелчәне кайнап торган тозлы суга салып, 3 минут пешерәбез. Судан алып, вак итеп турыйбыз. Майлы табада туралган гөмбә белән сарымсак кыздырабыз. 2 аш калагы он, бераз тоз һәм борыч салабыз. Яшелчә һәм гөмбәне кушып болгатабыз. Котлетлар ясыйбыз. Сохари вагында әвәләгәч, котлетларның ике ягын да 3-4 минут майлы табада кыздырабыз. Бу котлетларны ботка яки яшелчә салаты белән ашарга була.