Туганайлар

Спорт һәм җыр янәшә

Универсиада көннәрендә Казанның Җир эшкәртүчеләр Сарае янындагы парк иң мөһим культура мәйданына әверелде.

Алты гектарлы бу парк 30 мең тамашачыны сыйдыра ала. Һәр көнне 12.00-18.00 сәгать аралыгында биредә Татарстанның 28 районыннан 246 коллектив чыгыш ясаячак. 5 июль көнне Универсиада башланыр алдыннан Мамадыш районы үзешчәннәре, алар арасында Николай Михайлов җитәкләгән "Урагай" керәшен фольклор ансамбле казанлылар, Универсиада кунаклары алдында зур шоу-тамаша күрсәттеләр.
7 июль көнне бу мәйдандагы сәхнә зәйлеләргә бирелде. 200 кешедән торган Зәй үзешчәннәре арасында Сарсаз-Баграж, Гулькино, Сәвәләй авылы ансамбльләре дә бар иде.
Ә менә Менделеев районы Иске Гришкино авылының "Бигәш", Питрәчнең "Тамчы" балалар, Казаннан "Мишә буйлары" керәшен фольклор ансамбльләре биредә 8 июль көнне чыгыш ясадылар.

Нравится
Поделиться:
Реклама
Комментарии (0)
Осталось символов: