Фотоларда керәшен тарихы - Чиябаш керәшеннәре, XX гасыр башы

Заманының танылган галиме Чичерина Светлана Васильевна (1869-1921) Идел буе халыкларын бик кызыксынып өйрәнгән. Лаеш, Мамадыш, Минзәлә төбәкләрендәге керәшен авылларында да ул еш була. 1905 елда Санкт-Петербургтагы В.Я.Мильштейн типографиясендәге аның зур күләмле "У приволжских инородцев" дип исемләнгән юлъязмалары басылып чыга. Бу китапта Мамадыш районы Чиябаш (Никифорово) авылы керәшеннәренең XX гасыр башында төшерелгән фоторәсеме дә бар.

Кадерле укучыларыбыз! Быел – ТАССР төзелүгә 100 ел уңаеннан, керәшеннәрнең тормышын чагылдырган фотоархив туплыйбыз. Сездән дә шундый фотосурәтләр көтеп калабыз.  Бәлки, сезнең гаилә архивларында да шушындый этнографик һәм тарихи фотолар бардыр. Кешеләр фотолары гына түгел, авыл, иман йортлары һәм башкалар төшерелгәннәре дә бардыр.. Фотоларны редакциябезгә җибәрсәгез, газетада басытырырбыз, сайтыбызга, социаль челтәрләрдәге группаларыбызга урнаштырырбыз.  

Фотоларны tuganaylar@yandex.ru электрон почтасына, 89172509795 номерына (Ватсап аша) җибәрегез.