Туганайлар

Силикагель нәрсә ул?

Әйбер сатып алганда тартма эченнән килеп чыккан абсорбентны барыбызның да күргәне бар, ә нәрсәгә кирәк соң ул?

Аның файдасы зур икән. 

Кесә телефоны суга төшкәндә силикагель беренче ярдәм күрсәтә ала. Телефонны сүндереп, аккумуляторын һәм сим-картасын алып куегыз. Үзен силикагеле бушатылган савытка салып, төнгелеккә калдырыгыз. Ул дымны тартып алачак.

Тынчыган кием. Ялдан кайтканнан соң, киемнәрдән начар ис килсә, кием чемоданына силикагель салыгыз. Исне ул бетерәчәк.

Спорт сумкасы. Аңардан һәм спортзалдагы аяк-киеме куела торган шкафтан гадәттә начар ис килә. Сумка эчендә берничә пакет силикагель йөртсәгез, ис юкка чыгачак.

Фотоаппараттагы линза тирли. Салкыннан җылыга кергәндә күзәтелә бу. Тылсымлы силикагель пакеты монда да ярдәмгә киләчәк. Аны фотоаппаратның махсус савытына салып йөртергә, яки телефонга ярдәм күрсәткәндәге гамәлне кабатларга була.

Орлыкларны саклау. Чәчү орлыклары калган очракта аларны икенче елга кадәр сакларга мөмкин. Моның өчен герметик савытка орлыкларны тутырыгыз да, янына силикагельне дә салып, каплап куегыз. Орлык дымланыр, бозылыр дип борчыласы юк!

Кырынгыч лезвиесе. Билгеле, ул һәрвакыт сулана. Бу — тиз арада тутыга һәм үтмәсләнә башлауга беренче сәбәп. Лезвиенең яраклылык вакытын озынайту өчен аны пластмасса савытка силикагель белән бергә салып куярга кирәк.

Дым тартып, үзе юешләнеп китсә, нишләтергә? Духовкада киптерергә кирәк. Шуны да истән чыгармагыз: силикагель абсорбенты 120-150 градус эсселектә генә кибәчәк.

Фото: https://pixabay.com/

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.

Яналыкларыгызны 89172509795 номерына "Ватсап" аша языгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: