Кемнәргә коронавирус бөтенләй дә йокмый?

Билгеле бер төркем кешеләр коронавирус белән авырмый. Алар Covid-19 вирусы белән авыручы кешеләр белән элемтәдә булса да, бу вирусны йоктырмыйлар. Әмма моның сәбәпләре аңлашылмый һәм әлегә билгеле түгел. Бу хакта «Пастер исемендәге Санкт-Петербург эпидемиология һәм микробиология фәнни-тикшеренү институты» директоры Арег Тоолян сөйләде, дип яза РИА Новости.

«Без әлегә моны аңлата алмыйбыз. Ләкин коронавирус белән авыручы кешеләр белән күп тапкырлар контактта булган бер төркем кешеләргә авыру йокмый», — дип сөйләде Тотолян «COVID-19 пандемиясе: сәламәт җәмгыять 2020» форумында. 

Белгеч аныклап узганча, әлеге феномен шәхси саклану чараларын куллану һәм барлык кагыйдәләрне үтәү белән генә бәйле түгел. 

Чыганак: Интертат

Фото: https://pixabay.com/ru/

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.