Игезәк бала тапкан анага ана капиталы бирәләрме?

Игезәкләр тудырган хатын-кызга ана капиталы бирелә. Бу турыда "Челнинские известия" сайты хәбәр итте. "Мин беренче тапкыр әни булам. Миңа ана капиталы биреләме?" - дип сораган Лилия исемле ханым.
Бу сорауга Россия Пенсия фондының Чаллы шәһәре буенча идарәсе җитәкчесе Эдуард Фәттахов җавап биргән. "Әйе, сез ана капиталына сертификат алырга хокуклы. Бу акча икенче бала туганда бирелә. Беренче тапкыр бала тудыручы хатын игезәк балалар тапкан очракта, бер бала юридик яктан "икенче бала" булып исәпләнә", - дип аңлаткан Фәттахов.

Фото:Комсомольская правда